Sink faydaları uzun illərdir bilinən çox önəmli mikroelementdir.

Klinik müşahidələr onu göstərir ki, təkcə sink deyil, ümumiyyətlə bütün mikroelementlərin çatışmamazlığı və artıqlığı çox zaman eyni klinikanı verir.

Depressiya, diqqət, idrak-koqnitiv qabiliyyətlər də sinklə əlaqəlidir.

Sink həmçinin DNT-nin bütövlüyünə də təsir edir və bu da xərçəngin profilaktikasında sinkin önəmli olduğunun göstəricisidir.

Ümumilikdə orqanizimdə 1200-dən çox sink bağlayan zülal və fermentlər vardır. Sinkin təsirinin miqyasını təsəvvür edin.

Sinkin normal dəyərləri:
☑️Tam qanda 5.5-8 mkg/ml (kişilərdə 10-a kimi)
☑️Qan plazmasında 0.75-1.5 mkg/ml

Sink C vitamini ilə yaxın dostdur, idealda onunla birlikdə istifadə olunmalıdır.

Tövsiyə olunan günlük Sink dozası 10-30 mg-dır.

Sinkin iştirak etdiyi əsas proseslər:
☑️İmmun sistemin normal fəaliyyəti
☑️DNT sintezi
☑️Zülal sintezi
☑️Hüceyrələrin bölünməsi
☑️Karbohidrat metabolizması
☑️Yağ turşuları və A vit metabolizması
☑️Sümüklərin, dırnaqların, saçın və dərinin qorunması və s.

Əsasən heyvan mənşəli qidalarda və taxılda olur. Təbii qidalanma ilə yanaşı sink ehtiyacınızı bio əlavələrlə də təmin edə bilərsiniz.

Sink hansı qidalarda var?

• Qırmızı ət və süd məhsulları
• Qabıqlı dəniz məhsulları (karides, midya, istiridya və s.).
• Mərcimək, noxud, lobya, balqabaq toxumu, susam, fındıq, badam, buğda, yulaf, düyü və kakao.

Soyuqdəymə, virus infeksiyaları və.s bu kimi hallarda sink ehtiyatı çox azalır. Bu zaman bir neçə gün 1-2 qram C vitamini ilə birlikdə 70-90 mq dozada sink qəbul etsəniz, soyuqdəymə inkişaf etmir və ya müddəti/şiddəti əhəmiyyətli dərəcədə azalır.

Hazırda COVİD-19 mualicəsində də sink C vitamini ilə birgə təyin olunur və bu da sinkin nə qədər böyük əhəmiyyətə malik element olduğunu bir daha sübut edir.☝️

Sink müxtəlif formalarda olur. Sink sulfat çətin mənimsənilir və ürək bulanması verir. Bu səbəbdən sinkin pikolinat və ya qlisinat forması məsləhət görülür.

 Endokrinoloq Dr.Sevinc Ağaqızı